友情提示：如果本网页打开太慢或显示不完整，请尝试鼠标右键“刷新”本网页！
山歌-第3部分
快捷操作: 按键盘上方向键 ← 或 → 可快速上下翻页 按键盘上的 Enter 键可回到本书目录页 按键盘上方向键 ↑ 可回到本页顶部! 如果本书没有阅读完，想下次继续接着阅读，可使用上方 "收藏到我的浏览器" 功能 和 "加入书签" 功能！
○又姐夫强横了要偷阿姨，好像个枕头边筛米满床粞，阿姨道姐夫呀，养色上还覆教我无染处唣馄炖弗熟你再有介一副厚面皮。
○争一朝迷露一朝霜，镜台前手冷嫩梳妆，披头散发听娘争嚷。耍般样天气我无郎。娘道女儿呀。你弗要慌来弗要忙我教爹去寻媒话你个郎，六十岁做亲八十岁死，还有二十年夫妇好风光，女道娘呀，我也弗慌来也弗忙，也弗要爹去寻媒话我个郎，爹爹也弗要来娘房里去，哥哥也弗许听个嫂同床，争娘弗过听个外婆争你几岁上贪花养我个娘，娘几岁上贪花养子，我，小阿奴奴几岁上养外甥，外婆道，女儿弗要听我争我十六岁贪花养子你个娘，娘十七岁上贪花养子，尔外甥十八正当争。
一云外甥女儿再听外婆争，侪是尔贪花生出子我个娘我里个娘贪花养子我，教我贪花骜花骜後生，更好。
○补肩头新做海青白绵绸，吃个喜虫哥咬破子个雨肩头，隔壁个姐儿有介双红膝裤，借来我补子雨肩头，姐道弗识羞，弗识羞见红膝裤补来雨肩头，咳嗽吐痰就得知你个痰里病，要阿奴奴两脚上肩头。
○老人家结识私情没结识个老人家，老人家做事慢他他，後生家见子人来三脚雨步闪开子去，老人家还要的的搭搭摸蒲鞋。
一云，结识私情只结识个俏後生，豁得窗盘跳得墙，一声响觉人在房门外，罗帐内无人好听渠争，即此意。
○又结识私情等结识个老人家，先弗为跳曹吃醋上结子闲冤家，别人只道是多年尊长空来往，冤道老人家原有老奢遮。
○暴後生结识私情没要结识暴後生，渠好似新出螃皮无肚肠，新造庙堂团团里介画，清明插柳遍傅扬。
山歌·卷五（杂歌四句）
○亲老婆天上星多月弗多，雪白样雄鸡当弗得个鹅，煮粥煮饭还是自家田里个米，有病还须亲老婆。
忽然道学，还是无病的日子多。
○和尚天上星多月弗多，和尚在门前唱山歌，道人问道师父冉阝了能快活，我受予头发讨家婆。
讨了家婆反未必快活，这和尚还是门外汉。
○月子弯弯月予弯弯照九州，几家欢乐几家愁，几家夫妇同罗帐，几家飘散在他州。一秀才岁考三等，其仆作歌嘲之云：月子弯弯照九州，几家欢乐几家愁，几家赏子红段子，几家打得血流流，只有我里官人考得好，也无欢乐也无愁。○乡下人乡下人弗识枷里人，忽然看见只捉舌头伸，咦弗知头硬了钻穿子个板，咦弗知板里天生个样人。
莫道乡下人定愚，尽有极聪明处，余犹记丙申年间，一乡下人棹小船放歌而回。暮夜误触某筛推舟，筛推曰，汝能即事作歌当释汝。乡人放声歌曰：天昏日落黑湫湫，小船头砰子大船头，小人是乡下人麦嘴弗知世事了撞子个样无头祸，求个青天爷爷千万没落子我个头。筛推大喜，更以壶酒劳而遣之。
○筛油姐儿打扮忒清奇，再吃乡下人个筛油蛮子讨子小便宜，说道娘子，你嫌我筛得弗爽利时要便再滴子丢去，只没要动手动脚累得滑泥泥。
○д姐儿д匠人做子д床，д姐儿嫁子д郎，折子床傍打地铺，穿子地皮见阎王。
见阎王三字，大可玩，昔人云妇人是阎王唣隶，姹童是阎王催批，正此意。○囝儿女儿轮行，娼个见子气膨膨，虽然弗是大卖卖，再吃个星小猢狲介一枪。
○姹童献姹个学生新做子亲，搿子新人就要干窟臀，姐儿仔细思量两件东西侪是郎君个，便得渠留前支後耍正经。
张伯起先生有所欢，既婚而瘦，赠以歌云，个样新郎忒煞矬，看看面上肉无，思量家（公）真难做，弗（如）依旧做家婆，俊绝，一时诵之。
○又东南风起白迷迷，冉阝哩献姹个家公瞒过子妻，世界翻胜人改变，婆娘家倒要做乌龟。
○风臀风臀三十年个花树老了又，三十年个冬春一把查，三十年个家生也用弗得，冉阝了三十岁个风还。
有好男者谓，三十岁其味始全，见此歌必日谤臀矣。
○丑妇百草开花趁子春里个天，丑婆娘也要靠在大门前，六月里圆炉弗动火，酱缸淡子惹增盐。
○麻隔河看见子一团花，走到门前满面麻，若要隔河听渠做黠私情事，世间冉阝得更个长jī巴。
十麻九俏，这想是第十个麻子。
○胡子十个胡子九个骚，十个婆娘九个妖，婆娘冉阝了再学子胡子个样，膀哈喇哩也有一团毛。
○孝姐儿生性怕穿红，见了介个孤孀娘子打扮得忒玲珑，常言道若要俏时添重孝，嘿嘿里心头咒老公。
○大人家阿姐大街上行人弗怕个牛，大县里赌客弗怕个头，大场里差人弗怕个打，大人家阿姐弗怕羞。
○又讨个姐儿没讨个小人家个秧，宁可增钱大人家强，小人家一味齑糟无出息，大人家博学有商量。
○大人家阿嫂大人家阿嫂跟轿来，翠蓝裙青袄一个好身材，花花轿里个娘娘弗比得跟轿个好，到弗如让个轿人拨来阿嫂抬。
○嫖有子吹笙生咦要箫，有子船行咦要桥，有子鱼吃咦要肉，冉阝得有子家婆弗要嫖。
○瘦妓嫖小娘儿没嫖个胖婆娘，宁可增钱瘦个强，你弗见肥猪肉吃子一星雨星便觉油烟气，骨炙儿牙得里头香。
○壮妓嫖小娘儿没嫖个活骷髅，宁可增钱把壮个收，六月里着肉窨丢丢介再有趣，冬天一身褥子软柔柔。
○大脚妓嫖小娘莫拣大脚个嫖，渠个脚力忒大冉阝相交，就是送个物事来渠也难理会，一双鞋面还要贴换雨三遭。
○又嫖小娘须拣大脚个嫖，行来爽宕又风骚，冬天软柔柔腿上能着肉，夏天蒲扇雨肩摇。
○拣孤老荐本上升官弗认个真，黄册上派差弗审贫，市学里先生弗拣。
学生子，冉阝了小娘倒要拣客人。
○八十婆婆八十婆婆要嫁人，寻头讨脑骂乡邻，脚跟里水窠老皮里介痒多年裙带再是老腰精。
○骗姐儿骗我进房门，忽地里盖老归来教我冉阝我脱身，郎道姐儿呀，一铁搭扌奔出子十七八个夜叉侪是地里鬼，四对半门神九片人。
○杀七夫姐儿命硬嫁子七个夫，第七个看看咦要矬，听得算命先生讲道铜盆铁帚硬对子硬方无事，阿奴只恨家公软了无奈何。
会记哭七夫清江引云，张皮赵铁王打毡龚锡匠陆弓箭阿寿官孙搭爷尽来吃羹饭，我的天天天天天天天，词亦趣。
○小家公一个鸭蛋弗哺两个雏，一个殿上弗挂两个钟，城门散子要帮铁，婆娘家咦有小家公。
○洗生姜姐在河头洗生姜，洗生姜，有介个｛彭虫｝蜞走来膀中行，姐道｛彭虫｝蜞阿哥来做耍，｛彭虫｝蜞道河乾水浅要听蚌商量。
○乌龟栀子花开心里香，乌龟也要养婆娘，卖子馄炖卖面吃，猪肝白肠冉阝亨生。○私情报偷子私情转得自家个门，家婆再也来搭结私情，只舍得别人弗舍得自，男人家许你能欺心。
○妻绝标致个家婆捉来弗直钱，再搭东夹壁个喇达婆娘做一连，个样事务才是五百年前冤魂账，拣子黄金抱绿砖。
承恩不在貌，教妾若为容，世上一种大不平事。
○唱山歌郎唱山歌响铃铃，北寺塔造起子两三层南山和尚塔上打拳露出子个样真本事，下头人快活难为子上头人。
○又千阿哥万阿哥，冉阝了再来我里街前屋下唱山歌，唱得小阿奴奴千叶牡丹花心里悠悠拽拽介动，好似绣花针拨动疥虫窠。
山歌·卷六（咏物四句）
○风情哥郎好像狂风吹到阿奴前，揭袄牵裙弗避介黠嫌，姐道我郎呀，你道无影无踪个样事务看弗见捉弗着也防备别人听得子，我只是关紧子房门弗听你缠。○又结识私情好像风，只为你南北东西再来里惯撮空，姐道郎呀，你侬九十日春光弗会着子奴一日个肉，我只爱你来无形迹去无踪。
一云，结识私情好像风，娇滴滴个鲜花吃你采子红，姐道郎呀，我只道你飘扬心性吹得过弗匡你一场云雨便成空，亦可。
○花姐儿生来像花开，花心未动等春来，囫囵囵两瓣只消得一滴清香露，日里含羞夜里开。
○砚砚台姐原是牢石人，吃个墨池里郎来污子我个身拿介管乌弗三白弗四个笔来捉个小阿奴奴千万牖，真牖得我漕中水画便休停。
○笔姐儿青青白白像笔能，再搭个书房里伴结私情，凭你亲夫拘管得紧，管定子头来管弗得身。
○棋收子象棋着围棋，姐道我郎呀，你着着双关教我冉阝亨移，零了中间吃郎打子辘轳结，结来结去死还渠。
○又收子围棋着象棋，石炮当头须防两肋车，我只道你双为饮泉叉起子个羊角士，道你一卒尽心教我难动移。
○双陆情哥好像双陆能，吃渠把住子门儿教我冉阝亨奔，姐道郎呀，我因为你个贪赢让你拿个中心来做实子，冉阝你还有多呵故迟跌打弗停身。
○骰子结识私情像骰子能，吃郎君灌铅着药弄得骨头轻，要快要缓只在奴心上，你弗要呼么喝六惊动子外头人。
○又结识私情没像个骰个能，随人抛掷骨头轻，我当初只道你红红绿绿是介件赢钱货，得知你滚来滚去到是一个老么精。
○投壶结识私情像投壶，一箭两箭专在孔窍上做工夫，姐道郎呀，你没要过门不入来我面上做惯子个样缩手势，我听你斜插花强似以多为胜赌中壶。
一云，姐儿生来爱投壶，也弗来输赢上底做工夫，当初只学得一个杨妃睡，冉阝又会子雁衔芦。
○球结识私情像气球，一团和气两边丢，姐道郎呀，我只爱你知轻识重随高下，缘何跟人走滚弄虚头。
扌建踢结识私情像个扌建踢能，个个顽皮精脚脚来搭卖风情，姐道郎呀，我搭你剔起之时再无介脚野脚吃个星轻脚鬼来拾子去，冷天光也要吃你累得汗淋身。○鹞子情哥郎瘦骨禾层好像鹞子能。生来薄幅独取尔个点有风情，姐道郎呀，冉阝你说子风情就要飞得起介去，我有介条软麻强缠子了弗放你就番身。
○香筒姐儿生来像香筒，身上花描肚里通，姐道郎呀，常点子三更闷两更你个火心还弗退，直弄到心灰意懒眼朦胧。
一云，结识私情像香筒，外头花巧里头空，郎做子红柄香插着子我个孔，未曾动火眼朦胧，略同。
○荷包结识私情像荷包，出出进进只爱你个口儿牢，姐道我郎呀，你有子铜钱银子但凭你阁来呵，只没要无钱空把布裙嚣。
○毡条结识私情像毡条，伏伏贴贴枕席做相交，姐道郎呀，奴当初是一条囫囵鲜红真好货，道你蛀成子大洞便相抛。
○帐结识私情像个子能，生来飘拽动人心，姐道郎呀，我听你遮後遮前私房两个自快活，怕外头有亻奢恶风声。
○睡鞋结识私情好像鞋子能，帮帮衬衬费子许多心，看你行作动步只道你勤来往，道你黄昏头脱子直到大天明。
○珠结识私情好像珠子般，圆圆一粒望你眼儿穿，姐道郎呀，你弗求时我枕边吊落子千千万没要因奴黄子了贱相看。
○海青结识私情像海青，因为贪裁吃郎着子身，要长要短凭郎改，外夫端正里夫村。○算盘结识私情像个算盘来，明白来往弗拨来个外人猜，姐道郎呀，我搭你上落指望直到九九八十一，知你除三归五就丢开。
○等结识私情好像等能，浑身扭捏侪是假星星，姐道郎呀，只有吃个硬壳乌龟拘管得我介紧，无钱弗放我自开门。
○消息子我里情哥郎好像消息子能，身才一捻骨头轻，进来出去能即溜，教我小阿奴奴关着子毛头便痒死人。
○扇子结识私情好像扇子能，骨清面白有风情，间边有画弗知个边个字，上头箍紧下销钉。
○网巾圈结识私情要像个网巾圈，日夜成双一线牵，两块玉合来原是一块玉，当面分开背後联。
○又结识私情没要像个网巾圈，名色成双几会做一边，当初只道顶来头上能恩爱，如念撇在我脑後边。
○夜壶结识私情像夜壶，无冷无热捉我半夜里扌匍，姐道郎呀，一遭两遭弗知应子你多少个急，教阿奴奴肚皮大子好难过。
○粪箕结识私情像粪箕，只没要搭个苕帚两个做夫妻，我里两人侪是个样劈竹性，蓦地里奔来就有子泥。
○烟条姐儿生来蔑条长介像烟条，情哥郎当面就Ａ６牢，吃渠用力勤抽屑满子我个肚，害奴奴遍身夜夜火来烧。
○腊烛姐儿生来好像腊烛能，煎熬到底一条心，姐道郎呀，我黄昏夜晚滴子若干个风流泪，再无面前背後弗光明。
○灯笼结识私情像灯笼，千钉万烛教你莫通风，姐道郎呀，你暗头里走来冉阝了能有亮，引得小阿奴奴火动满身红。
○走马灯结识私情好像走马灯，吃你拨动子个机关再来里斗斗能，一时间火发吃你骗得团团转，如今再高阁在暗头里子弗分明。
○箸姐儿生来身小骨头轻，吃郎君捻住像个快儿能，姐道郎呀，我当初金镶银镶冉阝吃个笺片阿哥弄成子我个轻薄样，撞来尽盘将军手里弗会停。
○茶注结识私情像好茶注能，冷热温敦待子多少人，我为子你个冤家吃子多少若，冉阝子你前头清爽後来浑。
○酒钟结识私情好像钟子能，里头光滑外头青，只有贪杯着子郎个手，吃郎亲亲啧啧再斟斟。
一云，姐儿从小何会挡酒钟，吃郎君弄得面皮红，郎要乾时奴告免，小阿奴奴年幼吃弗得介一大钟亦好。
○攒盒结识私情好像攒盒能，逢着酒荡紧随身，就是一碟两碟略尝滋味自有多少个趣，你没要快儿头扌蜀动子弗留停。
○鼓结识私情鼓一般，钉紧子个张皮弗放宽，姐道郎呀，放下槌我劝你少擂子遭罢，漏子风声教我冉阝亨瞒。
○爆杖情哥郎燥暴好像爆杖能，逢人动火只为你有个散漫个名，姐道郎呀，你动辄霹拍之声耍了能响快，小阿奴奴借尔个凶势头好郎呀去吓乡邻。
○流星结识私情像流星，到处钻天忒煞轻，姐道郎呀，小阿奴奴粹得着介欢喜子你，冉阝了你一道狼烟就无处寻。
○伞结识私情好像雨伞能，上头云雨下头晴，姐道郎呀，你对孔一插直掮来肩头上，两手撑开水直淋。
○又结识私情好像雨伞能，瞒子天天我里私下晴，姐道郎呀，个样有天无日头个事你也弗要怕，我听你撑开笺片下销钉。
○又结识私情没要像个雨伞能，只图云雨弗图晴，拔出子销钉放下子个手，浑身骨解水淋淋。
○墨斗姐儿好像墨斗一般般，吃情哥揿住子奴身只捉眼来看，姐道郎呀，我线路上来原来线路上，从弗会走差斜路惹包弹。
○吊桶结识私情像个吊桶能，一时枯得便来寻，姐道郎呀，我只撞弯子腰来际凑子你，冉阝你越捉我颠颠倒倒弗停身。
一云，姐儿生来好像吊桶能，吃个笺片圈留缠住子身，我娘呀，你上箍下箍箍得奴介紧，投河奔井若条绳。
○子结识私情像个子能，济楚衣裳到是糯米心，姐道郎呀，撞你介个馋痨捉我剥得精出子，一连两个正救子肚饥人。
○馒头姐儿胸前有介两个肉馒头，单纱衫映出子咦像水晶球，一发发起来就像钱高阿鼎店里个主货，无钱也弗肯下郎喉。钱高可鼎，吴中馒头店之有名者。○又结识私情像个馒头能，道是无心也有心，郎道姐呀，我为你面生受子多呵浑闷气，冉阝间没要拍破子面皮弗认真。
○面筋姐儿生来紫糖色了像面筋，惹人团搦惹人蒸，姐道郎呀，小阿奴奴是个主热烘烘新出笼个清水货，你没疑心我浮多弗作成。
○学蔼茨菇郎替娇娘像荸蔼，荸蔼要搭茨菇两个做夫妻，茨菇叶生来就像姐儿两膀当中个主货，荸蔼心透出也像情哥郎个件好东西。
○香圆结识私情像香圆，冉阝了你面皮黄瘦皱漫漫，当初只道是暗老沉香滚得过，弗匡你说亻兑满肚是尖酸。
○茶结识私情好像�
快捷操作: 按键盘上方向键 ← 或 → 可快速上下翻页 按键盘上的 Enter 键可回到本书目录页 按键盘上方向键 ↑ 可回到本页顶部!
温馨提示： 温看小说的同时发表评论，说出自己的看法和其它小伙伴们分享也不错哦！发表书评还可以获得积分和经验奖励，认真写原创书评 被采纳为精评可以获得大量金币、积分和经验奖励哦！